The Hindi story for the niece :)

Main aur mera seh vimaan chalak apni anokhi Chandra yatra ki tayyari mein lage the. Humko chaand tak yatra karne ke liye apne pehnawe aur khaanpaan ka dhyaan rakhna tha. Isiliye antriksh mein jane ke pehle hum log apne antriksh poshak pehen liye. Antriksh mein jane ke liye ye poshak pehena zaruri hai. Taapman aur dabaav ke saare parivartan se ye poshak antriksh yatriyon ki raksha karta hai. Iss poshak mein oxygen ki bhi kami puri karta hai. Hamara poshak dekhne mein ekdam chandi ki tarah chamakta tha. Khaane ke liye bhi hum poshtik aahar leke jana anivarya hai. Antriksh mein aasaani se rakhne, banana aur khaane ka aahaar humne rakh liya tha.

Jab hamara vayuyaan uda, mujhe aisa laga jaise humne jaan ki baazi laga di hai. Ek baar antriksh mein pahunch ke dil ko tassali huey. Tab zero gravity ke kaaran hum apne vayuyan mein hee udne lage the. Apne aap ko suraksha peti se apne aasan par baandh kar hum vayuyaan chala rahe the. Antriksh ka nazara dekh kar meri aankhen khuli ki khuli reh gayin. Hum taaron ke beech they. Iss baat par yakeen karna hee mere liye mushkil tha. Hum do din mein chaand par pahunche. Chaand mein vaayumandal nahi hai isiliye antriksh poshaak pehen kar hee chaand par utarna zaruri tha. Apne she vimaan chalak par dhap jamake main vimaan se pehle utri. Kyunki chaand par prithvi se cheh guna kam gravity hai, aisa prateet hua ke main udd rahi hun. Par meri antriksh poshak ki madad se main kood kood kar chaand ka sair kar payi. Chaand se prithvi ka nazara dekh kar meri aankhen chaundhiya gayi. Main ye soch kar phooli na samayi ke main apne bharat ko chand se dekh payi. Prithvi ekdam neele moti ki tarah prateet ho rahi thi. Hum chaand par zada der nahi ruk paye. Thode se patthar utha ke main aur mera she vimaan chalak apne vayuyaan mein wapas ghus gaye aur prithvi ki ore nikal gaye.